1. This site uses cookies. By continuing to use this site, you are agreeing to our use of cookies. Learn More.
  2. السلام علیکم ورحمۃ اللہ وبرکاتہ۔ اس فورم کا مقصد باہم گفت و شنید کا دروازہ کھول کر مزہبی مخالفت کو احسن طریق سے سلجھانے کی ایک مخلص کوشش ہے ۔ اللہ ہم سب کو ھدایت دے اور تا حیات خاتم النبیین صلی اللہ علیہ وسلم کا تابع بنائے رکھے ۔ آمین
    Dismiss Notice
  3. [IMG]
    Dismiss Notice
  4. السلام علیکم ورحمۃ اللہ وبرکاتہ۔ مہربانی فرما کر اخلاق حسنہ کا مظاہرہ فرمائیں۔ اگر ایک فریق دوسرے کو گمراہ سمجھتا ہے تو اس کو احسن طریقے سے سمجھا کر راہ راست پر لانے کی کوشش کرے۔ جزاک اللہ
    Dismiss Notice

درثمین ۔ فضائل قرآن مجید ۔ جمال و حسن قرآں نور جانِ ہر مسلماں ہے

'درثمین ۔ منظوم کلام حضرت مسیح موعود علیہ السلام' میں موضوعات آغاز کردہ از MindRoasterMir, ‏جون 1, 2018۔

  1. MindRoasterMir

    MindRoasterMir لا غالب الاللہ رکن انتظامیہ منتظم اعلیٰ معاون مستقل رکن


    3۔فضائل قرآن مجید

    جمال و حسن قرآں نور جانِ ہر مسلماں ہے
    قمر ہے چاند اوروں کا ہمارا چاند قرآں ہے

    نظیر اس کی نہیں جمتی نظر میں فکر کر دیکھا
    بھلا کیونکر نہ ہو یکتا کلامِ پاک رحماں ہے

    بہار جاوداں پیدا ہے اس کی ہر عبارت میں
    نہ وہ خوبی چمن میں ہے نہ اس سا کوئی بستاں ہے

    کلام پاک یزداں کا کوئی ثانی نہیں ہرگز
    اگر لولوئے عماں ہے وگر لعل بدخشاں ہے

    خدا کے قول سے قول بشر کیونکر برابر ہو
    وہاں قدرت یہاں درماندگی فرق نمایاں ہے

    ملائک جس کی حضرت میں کریں اقرار لاعلمی
    سخن میں اس کے ہمتائی کہاں مقدور انساں ہے

    بنا سکتا نہیں اک پاؤں کیڑے کا بشر ہرگز
    تو پھر کیونکر بنانا نور حق کا اُس پہ آساں ہے

    ارے لوگو کرو کچھ پاس شان کبریائی کا
    زباں کو تھام لو اب بھی اگر کچھ بوئے ایماں ہے

    خدا سے غیر کو ہمتا بنانا سخت کفراں ہے
    خدا سے کچھ ڈرو یا رویہ کیسا کذب و بہتاں ہے

    اگر اقرار ہے تم کو خدا کی ذات واحد کا
    توپھر کیوں اسقدر دل میں تمہارے شرک پنہاں ہے

    یہ کیسے پڑ گئے دل پر تمہارے جہل کے پردے
    خطا کرتے ہو باز آؤ اگر کچھ خوف یزداں ہے

    ہمیں کچھ کیں نہیں بھائیو! نصیحت ہے غریبانہ
    کوئی جوپاک دل ہووے دل وجاں اُس پہ قرباں ہے

    براہین احمدیہ حصہ سوم صفحہ 182مطبوعہ 1882ء
    درثمین صفحہ 5۔6​
     

اس صفحے کو مشتہر کریں